Nagresulta iti panagsaksak ti maysa nga insidente ti apa iti inuman idiay Brgy. Tagaran, a nangiturong iti pannakaaresto ti maysa a lalaki.
Ti biktima ket nabigbig a ni alyas “Tonio”, 34 anyos, maysa a construction worker ken residente ti Taguig City. Bayat a ti suspek ket ni alyas “Mj”, naggapu idiay Northern Samar ken agnanaed laeng a temporaryo idiay Cauayan City, Isabela.
Segun iti inisyal a panagimbestigar, naginuman dagiti dua ken dagiti katrabahoda kas selebrasyon iti panagkasangay ti suspek. Kalpasan a nagpaay ti suspek tapno agsubli iti barracks na, sinurot daytoy ti biktima, a nangiturong iti komprontasyon ken panag-apa da.
Iti tengnga ti apa da, nakakital ti suspek iti kitchen knife ken sinaksak na ti biktima iti bakrang. Dagiti kakadua da a trabahador ket dagus a nanglapped ken nangitugot iti biktima iti pagagasan babaen iti Rescue 922.
Ti suspek ket naiturong iti estasyon ti pulisya para iti imbestigasyon. Nupay kasta, napalubosan daytoy a makalubos iti panawen gapu ta saan a naipila ti kaso iti uneg ti reglementary period, bayat a urayen pay dagiti resulta ti medico-legal report ken dadduma pay a dokumento.
Impanamnama dagiti otoridad a tuloy-tuloy ti imbestigasyon tapno maamuan amin a detalye ti insidente ken maipatungpal ti hustisia. Pinasingkedan met ti pulisya ti panagtalinaed da a nakasagana iti panangsalaknib iti komunidad ken panangresponde iti aniaman a gulo tapno mapagtalinaed ti talna ken kinatalged iti lugar.
Source: 98.5 i-FM Cauayan
