Naangay idi March 24, 2026 ti “Kalusugang Pangkababaihan Caravan” ken “Buntis Congress” idiay La Trinidad, a nangipaay iti libre a serbisio para iti salun-at kadagiti babbai. Daytoy ket paset ti panagselebrar ti Women’s Month a naiparang-ay iti okasyon ti Strawberry Festival.
Agtultuloy ti aktibidad idiay Municipal Gymnasium a nangted iti nadumaduma a libreng serbisio iti nasurok 100 a babbai. Kabilang kadagitoy ti health screenings ken konsultasion kas iti panagsukimat iti blood sugar, cholesterol ken uric acid, kasta met ti family planning services, HIV screening, chest X-ray, dental check-up, ken sabali pay a laboratory ken diagnostic services.
Adda met dagiti specific a serbisio para kadagiti babbai a kas iti VIA screening, Pap smear, ken panangisuro iti breast self-examination. Naipaayan met dagiti partisipante iti eye screening, BMI assessment ken nutrition counseling a nangitulnog iti panangsalaknib iti kabuuan a salun-at dagiti babbai.
Saan met a napalubosan ti aspeto ti pannakapintas ken pannakapnek ti bagi, gapu ta naipaayan dagiti partisipante iti pampering services a kas iti manicure, pedicure ken haircut. Naimplementar met ti training iti first aid babaen kadagiti personnel ti Disaster Risk Reduction and Management, a nangisuro kadagiti ina no kasano ti rumesponde kadagiti emerhensia a kas iti panagkabunon ti ubing.
Sigun kenni Dr. Genevieve Wagang-Degay, Medical Officer III, napateg unay a ti panangtaripato iti salun-at ket mangrugi iti bukod a bagi. Inlawlawagna a saan laeng a maipapada iti health workers ti responsibilidad, no di ket masapul met ti aktibo a partisipasion dagiti indibidual iti panangsalaknib iti bukodda a salun-at.
Nagpasalamat met dagiti organisador kadagiti katuwang a kas iti PhilHealth ken Department of Health–Benguet, ken dagiti sabali pay a partner institutions. Babaen iti daytoy a programa, namnamaen a mapapigsa ti pannakaawat dagiti babbai iti self-care ken mapasayaat ti kalidad ti biagda iti masakbayan.
Source: DZWT 540 AM – News & Information
