Nasilnag iti kulay a pula ti Provincial Capitol ken ti Provincial Farmers Livelihood Development Center iti siyudad ti Vigan idi Martes, Marso 24, kas paset ti nationwide “Light Up PH for TB” movement iti panangselebrar ti World Tuberculosis Day. Daytoy a aktibidad ket mangipakita ti pannakikadua ti lokal a gobyerno iti pananglaban kontra tuberculosis (TB) ken panangpablaak ti kaammoan maipanggep iti sakit.
Ti nasao a programa ket naggapu iti panggep a mangpataas ti panakaammo ti publiko iti sintomas ti TB, mangipalagip iti kinapateg ti napartak a panagsubok, ken mangipasdek ti panagtulnog iti umiso ken naan-anay a panagpaagas tapno malappedan ti pannakaiwaras ti sakit. Pinaigting pay daytoy babaen iti pannakipartisipar dagiti TB survivors manipud Ilocos Sur a nangbingay iti bukodda a kapadasan iti panagtagikua iti sakit.
Maysa kadagiti nakipaspaset ket ni Joel Arnell Almienda manipud Vigan City, nga isu a nakompleto na ti innem a bulan a panagpaagas ken naideklarar a TB-free manipud idi 2022. Iti panag-interview kenkuana, imbilinna iti publiko a dagiti adda TB ket masapul a dumawat iti tulong medikal, nga inlawlawagna a ti TB ket maagasan, libre, ken maakses babaen iti programa ti gobyerno.
Source: PIA Ilocos Sur
