Manamnama a maipatungpal ti Solar Rooftop Project ti Provincial Government of Ilocos Norte.
Segun ken ni Vice Gov. Matthew Marcos Manotoc, kalikagumna nga adda ti maaramid a solar para iti publiko nangruna ket bumabbaba ti presio dagiti solar energy pakairamanan dagiti solar panel manipud idiay China.
Nupay kasta, inbatadna a ti makitkitana a problema ket ti agbalin a capital expenditure daytoy.
Inlawlawagna nga adda dagiti nakasarsaritana a solar providers para iti naan-anay a pannakaipatungpal daytoy a proyekto.
Kunana nga umuna a maipatungpal ti nasao a proyekto iti siudad ti Batac, iti ili ti Dingras ken Pagudpud.
Innayonna a daytoy ti kaunaan a Solar Rooftop Project a maipatungpal iti intero a pagilian a Pilipinas.
Source: Bombo Radyo Laoag
