Naitaray sadiay Abra Provincial Hospital ti 42 anyos a barangay kagawad iti Barangay Riang iti ili ti Penarrubia, Abra tapno mataming kalpasan ti maatap a pannakapaltog na.
Maibasar iti report iti pulisya idi March 11, 2026 iti 8:51 iti agsapa, maysa a concerned citizen ti nangipakaammo kadagiti pulis a naka-duty sadiay Triangle, Poblacion, Pennarrubia nga adda iti maatap a shooting incident iti nasao a lugar.
Gapu iti daytoy ket nagturong da iti nasao a lugar tapno beripekaren ti naidanon kadakuada nga impormasyon.
Apaman a makasangpet da sadiay ket nakita da ti maysa a lalaki wenno ti biktima a nakapakleb wenno nakadasay iti kalsada.
Gapu iti daytoy ket nangimuntar ti pulisya iti checkpoint iti nasao a lugar para iti posible a pannakatiliw dagiti suspek iti nasao a maatap nga insidente iti pammaltog. Iti agdama ket saan pay dagitoy a nabigbig.
Source: DZWT 540 AM – News & Information
