Higit 565 a partisipante so nakiwas ed 2026 Friendship Games a theme na “Fuel the Fire, Feel the Glory,” a pinanguluwan na Region 1 Medical Center (R1MC), a ginanap ed Dagupan City People’s Astrodome idi March 2.
Inatendan na saray healthcare agencies manipud Regions I, II, III, IV, V, tan Cordillera Administrative Region (CAR) so opening ceremony bilang pakita na panagkaykaysa tan panagkakaaro ed nagkalain-lain a rehiyon. Tampok ed programa so Oath of Sportsmanship, a simbolo na patas a panagkompetensiya tan panagkakaisa na saray partisipante.
Ayon ki Joseph Mejia, Medical Center Chief II na R1MC, so 2026 Friendship Games et kabahagi na panangselebra ed ika-100 anibersaryo na serbisyo na ospital. Inlinaw to ya ali lamang kompetensiya so aktibidad noagta maysa itan a selebrasyon na panagkaykaysa tan panagkamarangayan na saray healthcare workers ed intero rehiyon.
“Patuloy ya umuunlad so R1MC pian nasumpal iray papasakbay a pangangailangan ed healthcare na totoo, a ginagiyanan na serbisyong publiko tan kahusayan. Natan, nagkakapepeg tayon amin bilang sakey a komunidad, ali bilang healthcare professionals lamang noagta bilang sakey a pamilya a managlilingkor ed publiko,” an Mejia.
Managtultuloy so Friendship Games angga March 6 tan aglaen to so 16 a sporting events, kaukolan so basketball, volleyball, badminton, cycling, bowling, tan arum nin indibidwal tan team competitions.
Layon na aktibidad so mangiparakep ed panagkaabig na salun-at, teamwork, tan mas matibay a panagkaykaysa na saray institusyon na healthcare.
Source: PIA Pangasinan
