Napaneknekan manen ti La Union, kangrunaan idiay San Juan, nu apay nga naawagan akas “Surfing Capital of the North” kabayatan ti panag-host iti World Surf League (WSL), nga narugyan idi Enero 10 agingga Enero 26, 2026.
Nasurok 170 a surfers manipud 25 a pagilian ti nakipaset iti daytoy nga aktibidad, nga naangay idiay Monaliza Point, Barangay Urbiztondo, San Juan. Ti nasao a kompetision ti nagtipunan dagiti propesional a surfers manipud Australia, Brazil, Japan, Estados Unidos ken dadduma pay a pagilian, agraman dagiti atleta manipud Pilipinas.
Iti WSL, nga naiparangarang ti World Junior Championships ken Longboard Tour Qualifying Window, ket panggepna a mangted ti ranking points ken mangipakita iti kinalaing, estilo ken kina-talentado dagiti surfers iti maysa kadagiti kaam-amakan a surf breaks iti Asia.
Amin a daytoy ket mangipapigsa iti reputasion ti San Juan, nga naaddaan ti kalidad a beach waves, ken mangipaay iti dakkel a tulong iti turismo ken panagdur-as ti sports iti probinsia. Ti patinayonna, ti naangay nga aktibidad ket mangitag-ay iti lokal a talento ken mangipakita iti La Union iti entablado ti internasyonal a surfing.
