Naragsak dagiti umili ti Cagayan idi indauluan ni Presidente Ferdinand “Bongbong” Marcos Jr. iti pormal a panaglukat ti Cagayan Provincial Athletic Association (CPAA) Meet 2026 idi Huebes, Enero 8, 2026 idiay Camalaniugan Sports Complex, a kinadwaan ni Gobernador Edgar “Manong Egay” Aglipay ken dagiti opisial ti DepEd.
Iti mensahe na, inpatibker ni Pangulo Marcos ti panagtalinaed ti suporta ti administrasion na kadagiti agtutubo nga atleta, gapu ta mamati isuna iti kapasidad dagiti Pilipino a mangiparang-ay ti karangalan iti lokal ken internasyonal a kompetision. Inawis na pay dagiti Cagayano nga atleta nga mangpakita iti kinalaing da kas kadagiti kinapateg ti isports.
Inyebkas ti presidente nga ti CPAA ket saan laeng a para iti panagballigi, nudiket para iti panagporma ti karakter, panagdisiplina, ken camaraderie dagiti agtutubo. Sigun kenkuana, ti isports ket training ground a mangited kadagiti leksion ken oportunidad a pangmasakbayan a kompetision.
“Ang sports ay mahalaga dahil ito ang inyong magiging training ground upang mahubog ang inyong disiplina, camaraderie, at mga leksyon na inyong matututunan at mararanasan. Kahit hindi maging champion ang isang atleta, para sa akin ay dapat lahat ng mga kabataan ay involve sa sports”,” kinuna ni Presidente Marcos.
Inyebkas met ni Gobernador Aglipay ti ragsak na iti panagbisita ti Presidente, a nangipakita ti panagtutok ti gobierno iti youth development babaen ti E.G.A.Y. Governance Platform. Saan laeng a tulungan dagiti atleta agingga iti panagpili ti Cagayan Delegation, nudiket pasingkedan pay ti koordinasion ti provincial government ken Schools Division Office.
Immabut iti 7,000 a delegado, kas kadagiti atleta ken coaches, manipud iti 28 a munisipalidad ti Cagayan ti sumali iti CPAA 2026. Naipatungpal ti naingat a seguridad babaen ti PNP ken lokal a pamahalaan, ken nakaantabay dagiti medical team manipud hospital, Provincial Health Office, PDRRMO Cagayan, ken Task Force Lingkod Cagayan para iti nasayaat a serbisyo kadagiti atleta.
