Ipinagdiriwang ang 117th Founding Anniversary at 21st Am-among Festival sa Bontoc, Mountain Province noong ika-16 ng Setyembre, 2025.
Ang selebrasyon na may temang “Bontoc in Step with One Cordillera: Stronger Together.” ay nagsimula sa isang pampublikong parada na dinaluhan ng Local Government Unit na pinangunahan ni Mayor Franklin C. Odsey, iba’t ibang National Government Agencies, barangay local government units, at iba pang mga stakeholders.
Binigyang-diin ni Mayor Franklin Odsey, na ang pagdiriwang ay isang mahusay na pagkakataon upang palakasin ang sama-samang pananaw para sa nagkakaisang Cordillera—pagsulong nang magkasama sa pamamagitan ng sama-samang pagsisikap at pakikipagtulungan.
Binigyang-diin din ni Congressman Maximo Y. Dalog Jr., ang kahalagahan ng pagdiriwang at sinabi rin na ang mga tradisyonal na sayaw ay tumutulong sa pagpapanatili ng kultura at nagpapakita ng yaman ng kasaysayan ng Bontoc.
Ang pagdiriwang ay nagsisilbing paalala ng mayamang kasaysayan ng Bontoc at patuloy na pag-unlad; na ang mga lokal na lider ay muling nagpapatibay ng kanilang pangako sa pagkakaisa, at serbisyo publiko.
