Pinondohan ng Bontoc Local Government Unit (LGU) ang enrollment ng 96 responders sa Philippine Red Cross (PRC) Membership Program sa Bontoc, Mountain Province noong ika-14 ng Marso 2025.
Kabilang sa mga recipients ay ang mga water delivery truck owners at operators, tourist guides na sinanay sa emergency response, at mga community responders kabilang ang mga miyembro ng Bontoc Emergency Response Team (BERT).
Ang mga membership card ay pormal na iniabot nina Bontoc Mayor Jerome “Chagsen” Tudlong, Jr. at Municipal Disaster Risk Reduction and Management Officer Johanna Padaen sa ginanap na First Quarter Municipal Disaster Risk Reduction and Management Council (MDRRMC) meeting.
Binigyang diin ni Mayor Tudlong ang pangako ng LGU sa pangangalaga sa mga responders na may mahalagang papel sa pagtugon sa kalamidad at kaligtasan ng komunidad.
