Muling ibinahagi ng lokal na pamahalaan ang financial assistance at rice subsidy sa mga rehistradong solo parents ng Barangay Pandan, Angeles City nito lamang Huwebes, ika-30 ng Enero 2025.
Naging matagumpay ang aktibidad sa pangunguna ni Hon. Carmelo Lazatin Jr., Mayor ng Angeles City katuwang ang City Social Welfare and Development Office na pinamunuan ni Mr. Francis De Guzman.
Ang mga nasabing benepisyaryo ay nakatanggap ng tig P1,000 at limang kilong bigas, na personal na iniaabot ni Mayor Lazatin sa pamamagitan ng house-to-house distribution.
Ang programa ay naglalayong magbigay ng pinansyal at pagkain na tulong sa mga rehistradong solo parents sa Barangay Pandan, upang matugunan ang kanilang pangangailangan at maibsan ang kanilang gastusin sa pang-araw-araw na buhay.
