Nagsagawa ng Anti-dengue sa Pag-asa ang Lokal na Pamahalaan ng Calumpit sa pamamagitan ng spraying sa Brgy. Taal, Calumpit, Bulacan nito lamang Martes ika-31 ng Disyembre 2024. Pinangunahan ito ni Hon. Jayson Hernandez, Punong Barangay, kasama ang iba pang opisyales.
Personal na inikot ni Kap. Hernandez, ang pagsagawa ng spraying sa bawat sulok ng kanilang barangay, na labis na ikinapasasalamat ng mga residente.
Layunin ng aktibidad na puksain at bawasan ang populasyon ng mga lamok na nagdadala ng dengue.
Kasabay nito, naipapaabot din sa mga residente ang kahalagahan ng pagpapanatili ng kalinisan at pagsunod sa tamang mga hakbang upang maiwasan ang sakit na dulot ng mga lamok.
Ang ganitong hakbangin ay patunay lamang na ang mga lokal na pamahalaan ay patuloy na nagsusumikap upang masiguro ang kaligtasan at kalusugan ng bawat mamamayan.
