Sumuko ang isang miyembro ng New People’s Army (NPA) sa Barrio sa mga otoridad sa Tinoc, Ifugao noong ika-26 ng Disyembre 2024.
Nabatid na ang sumuko ay miyembro ng NPA sa Barrio sa ilalim ng nabuwag na KLG IFUGAO/ NONA DEL ROSARIO COMMAND (NDRC), SPP Ifugao at na-recruit noong 2008 ng NPA.
Nagsilbi ang sumuko na isa sa mga kontak at ginamit bilang spotter at tagapagbigay ng impormasyon laban sa mga puwersang gobyerno at nagsilbing mata, tainga, at tagapagdala ng pagkain ng teroristang grupo.
Patuloy ang pamahalaan sa paghikayat sa iba pang tagasuporta at miyembro ng NPA na magbalik-loob at magsimulang muli kasama ang kanilang pamilya.
