Boluntaryong isinuko ng isang residente ng Barangay San Carlos ang isang loose firearm sa mga tauhan ng Sta. Marcela Municipal Police Station sa Sta. Marcela, Apayao nito lamang Nobyembre 16, 2024.
Ang nasabing armas ay isang improvised 12-gauge shotgun, walang marka at bala.
Ang pagsuko ay bunga ng aktibong pakikipag-ugnayan ng pulisya sa komunidad at paghikayat sa pagsuko ng mga baril na walang lisensya, bilang suporta sa kampanya ng PNP laban sa mga iligal na armas.
Patuloy ang panawagan ng PNP sa mga mamamayan na isuko ang mga baril na walang kaukulang dokumento upang maiwasan ang pagkakaroon ng kaso at mapigilan ang paggamit nito sa krimen.
