Muling umarangkada ang gift-giving tradition ng pamilya Angeles at naigay ng cash assistance at food packs sa mga senior citizens ng Brgy. Maligaya, San Francisco, Sapang Tagalog at Mabini sa isinagawang Annual Cash Benefit Payout na ginanap sa Tarlac City Information Office nito lamang ika-18 ng Setyembre 2024.
Nakatanggap ng P500 cash ang bawat isa sa mga senior citizens ng naturang barangay, kasabay nito ang pamamahagi ng foodpacks mula sa pamilya Angeles. Ang naturang programa ay pinamunuan ni Mayor Cristy Angeles, Ina ng Lungsod katuwang ang Tarlac City Information Office.
Labis naman ang pasasalamat ng mga benipisyaryo sa tulong na kanilang natanggap.
Layunin ng programa na ipadama ang malasakit at pagpapahalaga at pagmamahal ng pamahalaan sa mga mamamayan sa pamamagitan ng paghahatid ng mga ganitong serbisyo para sa inaasam na maunlad at mayabong Bagong Pilipinas.
