Naghandog ng tulong medikal ang pamahalaan ng Angeles para sa mga residente ng Pampanga Public Market nito lamang Sabado, ika-24 ng Agosto 2024.
Matagumpay ang aktibidad sa ilalim ng pamumuno ni Hon. Carmelo “Pogi” Lazatin Jr., Mayor ng Angeles City katuwang si Hon. Carmelo “Jon” Lazatin II, Pampanga First District Representative at Pampanga Public Market Association.
Ang mga benepisyaryo ay nakatanggap ng libreng general check-up at mga gamot na labis namang ipinagpapasalamat.
Layunin ng aktibidad na masiguro ang kapakanan ng mga residente, mabawasan ang sakit, karamdaman at mapabuti ang kalusugan ng bawat indibidwal upang maging mas produktibo.
Ang inisyatibong ito ay isang mahalagang hakbang sa pagkamit ng mas malawak na serbisyong pangkalusugan at pagtulong sa mga nangangailangan tungo sa Bagong Pilipinas.
