Boluntaryong isinuko ng isang indibidwal ang kanyang loose firearm sa mga awtoridad sa SO Gumaad, Barangay Aciga, Pinukpuk, Kalinga noong ika-12 ng Agosto 2024.
Ang nasabing armas ay isang .38 Caliber pistol revolver, may markang SW at walang serial number.
Hindi na pinaalam ang pagkakilanlan ng may-ari ng nasabing baril para sa kanyang seguridad.
Ang pagsuko ng nasabing armas ay resulta ng patuloy na pagsasagawa ng kampanya ng PNP kontra loose firearm sa kanilang nasasakupan upang mapanatiling ligtas at payapa ang probinsya ng Kalinga.
