Buong puwersa ang mga miyembro ng Regional Inter-Agency Committee Against Trafficking sa culmination program ng World Day against Trafficking sa Activity Area, Robinsons Mall, Tuguegarao City, Cagayan kahapon, ika-30 ng Hulyo 2024.
Pinangunahan ng kawani ng Department of Social Welfare and Development at Department of Justice ang programa kabilang ang mga miyembro ng RIACAT, Media Partners, Civil Society Organizations, Youth Sector at iba pang Stakeholders.
Itinampok sa aktibidad ang paglulunsad ng Blue Corner at Help Desk na naglalayong hikayatin ang pakikilahok ng lahat ng sektor upang magbigay ng inspirasyon sa pagkilos at tumulong na maiwasan ang human trafficking.
Layunin ng programang ito na itaas ang kamalayan at hikayatin ang pandaigdigang pagkilos upang maiwasan ang trafficking, protektahan ang mga biktima, at usigin ang mga trafficker.
Source: PIA Cagayan Valley
