Isinuko ng isang indibidwal ang isang granada sa mga tauhan ng Luna Municipal Police Station sa Luna, Apayao nito lamang Hulyo 15, 2024.
Ang isinukong pampasabog ay isang Hand Grenade, Fragmentation, M67 na isinuko ng isang barangay official.
Napag-alaman na natuklasan ng isang residente ang naturang granada sa kanilang lumang cabinet habang siya ay naglilinis kaya agad itong ipinagbigay alam sa mga awtoridad.
Samantala, nanawagan naman ang Luna PNP na isuko ang mga baril at iba pang kagamitang pampasabog na walang mga kaukulang papel upang maiwasan na magkaroon ng kaso.
