VIGAN CITY, Ilocos Sur — Nakatanggap ti 739 a senior citizens iti social pension para iti umuna a quarter ti tawen manipud iti Department of Social Welfare and Development (DSWD) babaen iti panagtulong ti city government idi Mierkoles, Abril 22, 2026 idiay Barangay Pantay Fatima.
Iti kabuuan a 1,244 a senior citizens iti siudad, 505 pay ti naka-iskedyul a mangawat iti pensyon idi Huwebes, Abril 23.
Ni Alberto Battad, 71 anyos nga residente iti Barangay VI, impakita na ti panagyaman gapu iti tulong a maited daytoy a pensyon, a makatulong unay iti pannakasuporta kadagiti inaldaw a kasapulan na.
Segun iti City Social Welfare and Development Office (CSWDO), mabalin pay a makaala dagiti senior citizens iti medikal wenno assistive devices manipud iti opisina babaen iti panangipasa iti surat, malaksid iti pensyon a maawatda manipud iti nasyonal ken lokal a gobyerno.
Source: PIA Ilocos Sur
