Nakaawat iti tulong pinansyal dagiti 110 a lehitimong drayber iti probinsya ti Ilocos Sur iti pannakaangay ti Cash Relief Assistance nga inorganisar ti Department of Social Welfare and Development Field Office 1 (DSWD FO 1) idi kalman, Mayo 19, 2026.
Ti nasao a programa ket paset ti panangitultuloy ti gobyerno iti pannakatulong kadagiti drayber a naapektaran iti nagduduma a karit iti panagbiyahe ken panagbiag. Daytoy ket sinundan dagiti naglabas a payout nga inus-usar iti pannakikadua ti Land Transportation Franchising and Regulatory Board Region I (LTFRB Region I) iti probinsya ti La Union ken Pangasinan, a nangipaay iti tulong kadagiti 3,034 a drayber iti rehion.
Naiturong ti payout iti Provincial Farmers Livelihood Development Center iti Ciudad ti Vigan, nga indauloan dagiti opisyal manipud iti DSWD FO 1 ken LTFRB Region I. Naipaduyakyak met iti okasyon ti panagrehistro dagiti tsuper iti BBM Serbisyo wenno “Basta Beripikado, Mabilis ang Serbisyo,” maysa a digital platform ti DSWD a naglalayong a mapapartak ken mapalaka ti proseso ti panangberipika iti identidad dagiti kliyente ken benepisyaryo babaen iti PhilSys Card Number wenno PCN.
Adu kadagiti tsuper ti nangipakita iti panagyaman gapu iti tulong a naawatda, a makatulong iti inaldaw a gastusenda ken pangsuporta iti pamilia. Sigun kadagiti opisyal, ti panangaramid iti BBM Serbisyo ket maysa a napateg nga addang tapno mapapartak ti panagserbi ti gobyerno ken mapapigsa ti digitalisasyon kadagiti serbisyo publiko.
Impaganetget ti DSWD FO 1 a tuloy-tuloy ti pannakipagtrabahoda kadagiti ahensya ti gobyerno tapno maidanon dagiti programa ken ayuda kadagiti sektor a kasapulan iti suporta, nangruna kadagiti drayber a mangipapaay iti napateg a serbisyo iti komunidad.
Insurat ni IlocanoAk
