Nakemmeg ti maysa nga Street Level Individual (SLI) iti naisayangkat a buy-bust operation idiay Barangay San Nicolas, Candon City, Ilocos Sur a naibilang a drug cleared barangay.
Ti suspek ket lalaki nga agtawen iti uppat a pulo ket dua nga agnaed iti nasao a siudad.
Babaen ti panagtitinnulong dagiti pannakabagi ti linteg ket nakemmegti suspek ken naala kenkuana ti drug evidence a nasurok-kumurang 0.21 a gramo iti mapapati a shabu nga aggatad ti P1,428 a nakaipan iti maysa a piraso a heat-sealed transparent plastic sachet a nagserbi a buy-bust item.
Dagiti non-drug evidence a naala ket pakairamanan ti maysa a piraso ti tissue paper; dua a piraso iti P1,000 a nagserbi a buy-bust money; uppat a piraso iti personal money nga aggatad iti P400; ken maysa a unit iti color white and black Honda Click 125.
Source: Bombo Radyo Vigan
