Inaprubaran ti lokal a gobyerno ti munisipyo ti La Trinidad ti kiddaw ti kapulisan a budget para ti pannakaprocure ti dakkel a drone a maaranat para iti pannakamonitor ti gunay ti trapiko.
Sigun keni PltCol. Zacarias Caloy Dausen, Station Commander ti La Trinidad Municipal Police Station, dumanon ti ₱600-K ti pondo para iti daytoy. Ti nasao a drone ket maaramat para iti live feed traffic monitoring dagitoy.
Iti agdama, tallo a drones ti maar-aramat para iti panagmonitor ti gunay ti trapiko no sadinno nakapwesto daytoy iti tallo a major intersection idiay Buyagan, Trisection, ken Km.6. Dagiti nasao a lugar ti kadawyan a panapaspasamakan ti congestion dagiti lugan.
Sigun kenni Dausen, makatulong ti panagaramatda iti drones a panglive para ti monitoring ti traffic ken strategic deployment dagiti kapulisan.
Ti live ket mangrugin iti agsapa manipud alas-syete agingga alas-otso ti agsapa.
Kabayatanna, inlawlawag ni Dausen a nagkiddaw dagitoy ti procurement ti dakkel a drone tapno saanen a kasapulan a tallo a drone ti maaramat ken tapno agzoom in and out da laengen. Malaksid ti dayta tapnu mamaximize dagito personnels .
Iti sabali a bangir, agipopropose metlaeng dagitoy ti panangikonek kadagiti amin nga existing CCTVs ti local government units ken daduma pay iti tactical operation center dagitoy tapno makita amin dagiti pasdek ti kalsada para iti naparpartak a panagresponde.
Source: Bombo Radyo Baguio
