Maipatungpal ti nainget ken nasayaat a panagadal iti kasayaatan a pamay-an para iti pannakasolbar ti siltation idiay Upper Agno River.
Sigun kenni Governor Melchor Diclas, temporaryo laeng a solusyon iti agdama ti dredging iti nasao a karayan bayat a maururay ti maipatpatungpal a panagadal.
Innayon daytoy nga ada metten ti resolution manipud iti maseknan a barangay ken inendorso metten daytoy ti Sangguniang Panlalawigan.
Kinana pay a tumulong metlaeng ditoy ti Provincal Disaster Risk Reduction and Management nu ayan ti paset ti karayan ti nasken nga unaen ken kasapulan nga idredge.
Inlawlawag met ti gobernador a nabayagen a parikoy ti siltation sadiay ngem adadda a kimmaro daytoy gapu iti panagtutudo.
Impeksa met ti opisyal a nasken nga agtitinulong ti amin nga ahensya tapno maprebentaran ti panaglayos iti nasao a lugar.
Source: Bombo Radyo Baguio
