Nakemmeg ti maysa a babai kalpasan a binagkongna ti maysa a lalaki a kinasangona nga uminom idiay Barangay San Jose, Narvacan, Ilocos Sur.
Ti biktima ket agtawen iti tallopulo, agnaed iti Barangay Sulvec.
Ti met suspek ket agtawen iti uppat a pulo, agnaed iti Barangay Lusong, Luba, Abra.
Agin-inom ti biktima ken suspek kadua dagiti gayyemda kas panangrambak iti panagkasangay ti biktima idin ta rimsua ti saanda a pagkikinnaawatan.
Nangala ti suspek iti kutsilyo ket binagkongna ti kannawan a takyag ken kannawan a paset ti tengnged ti biktima.
Naitaray ti biktima iti ospital para iti naan-anay a pannakatamingna.
Source: Bombo Radyo Vigan
