Inilunsad ng Department of Trade and Industry (DTI) ang Shared Service Facility (SSF) para sa Pagproseso ng Kape para sa Caliking Farmers Multi-Purpose Cooperative (CFMPC) sa Km. 39, Abiang, Atok, Benguet noong Miyerkules, Hunyo 18, 2025.
Sa pondong P1.78 milyong piso, ang SSF ay may kasamang hhumidifier, weighing scale, grinder, roasting machine, sorting tables and screens, at pulper machine.
Sa tulong ng kagamitan na ito, inaasahang mapapabuti ng kooperatiba ang kalidad ng kanilang mga produkto ng kape at madagdagan ang kanilang kakayahang makipagkumpetensya sa merkado.
Ito ay bahagi ng pangako ng DTI sa proyekto ng convergensiya ng DTI-DAR-DOST sa pagproseso ng kape.
Nagpahayag ng pasasalamat si CFMPC chairperson Samson Calubsing para sa SSF habang binigyang-diin ang kahalagahan ng pagkakaisa at pagtutulungan sa mga miyembro ng kooperatiba upang mapanatili ang operasyon ng pasilidad.
