Saan a napatgan ti extension ti Temporary Restraining Order (TRO) a kiddaw dagiti residente nga apektado iti demolition idiay Naguilian Road, Quezon Hill Proper, Baguio City.
Nupay kasta, napatgan ti Motion for Reconsideration para iti nasao nga issue.
Gapu iti dayta, temporaryo a naipasardeng paylaeng (Cease and Desist) iti baente nga aldaw ti demolition.
Maipalagip nga idi Hunyo 15 iti agdama a tawen, agarup dua pulo ket maysa a pamilya ti narugyan a nademolish ngem naipasardeng metlaeng daytoy iti isu metlaeng nga aldaw gapu ta nakaala dagitoy iti TRO pasado-alas onse ti agsapa.
Maipalagip nga idi Hunyo 1, nangipila metlaeng dagitoy ti motion for reconsideration ngem agingga idi kalman ket awan pay ti resolusyon.
Kabayatanna, patien dagiti residente a saan nga umno ti namay-anda kadakuada.
Iti sabali a bangir, impeksa dagiti residente a ti kayatda laeng keyñt mapaneknekan a ni ‘Gregory Lim’ ti pudno nga akin tagikua ti lote ken agparang daytoy kadakuada gapu ta naipaay kadakuada ti lote babaen iti urban poor no sadinno saan a mangited ti urban poor ti lote a mabalin a pagyananda nu adda ti sabali nga akintagikua iti nasao a lote.
Source: Bombo Radyo Baguio
