Naipatungpal dagiti opisyal ken personal ti City Disaster Risk Reduction and Management Office (CDRRMO) ken dagiti rescue volunteers, a kaduada ti Bureau of Fire Protection (BFP), iti lima-aldaw a Basic Ropemanship ken Rope Rescue Training kas paset ti agtultuloy a panangpapigsa iti kabaelan ken kinasagana dagiti emergency responders ti gobyerno ti siudad ti Tuguegarao.
Nangrugi ti nasao a training idi Hunyo 15, 2026 ken maitedto ti panagserra na iti Biernes, Hunyo 19 para iti umuna a batch, kabayatan a ti maikadua a batch ket isasagaba met ti kapada a panagsanay manipud Hunyo 22 agingga Hunyo 26 ita nga tawen.
Panggep ti nasao a training ti panangpapigsa iti technical competencies, operational readiness, ken emergency response capabilities dagiti kameng ken volunteers ti CDRRMO. Maipaay met ditoy ti naisinged a kaammo ken praktikal a kakayahan iti nasayaat ken natalged a rope rescue operations a kas iti safety procedures, knot tying, ken rappelling no adda sakuna wenno disgrasya.
Babaen iti daytoy a panagsanay, mas mapapigsa ti koordinasyon ken kakayahan dagiti responder para iti natalged a panagresponde iti oras ti emerhensia ken kalamidad.
Source: LGU Tuguegarao City Official
