Nagbalin a kampeon ti AFI City Dance Group dagiti agtutubo ti Tuguegarao City iti kauna-unaan a Cagayano Youth Festival of Talents 2026 a naangay idi Hunyo 18 idiay Robinsons Place Tuguegarao.
Nagtaginnayon dagiti representante manipud iti 11 nga ili ken maysa a siudad iti probinsia babaen kadagiti panagsala ken group performances. Naala ti AFI City Dance Group ti kampeonato ken nagawidda iti plake, Certificate of Appreciation, ₱12,000 a cash prize, ken movie vouchers a naipaay manipud iti administrasion ti Robinsons Place.
Ti Cagayano Youth Festival of Talents ket maysa nga aktibidad ti Provincial Government of Cagayan babaen iti panangidaulo ti Provincial Social Welfare and Development Office kas paset ti panagselebrar iti International Day Against Drug Abuse iti bulan ti Hunyo.
Ti panggep ti daytoy a programa ket tapno maiparangarang ken mapadur-as dagiti talento, kabaelan, ken kinasirib dagiti agtutubo a Cagayano, kasta met a mapapigsa ti pannakaammoda maipanggep iti pannakaliklik ken pannakasuppiat iti panagusar iti ipinagbabawal a droga, tapno maiturong ida iti nasayaat ken produktibo a panagbiag.
Source: LGU Tuguegarao City Official
