Hindi lamang ang pagbabantay at pagpapanatili ng katahimikan ang gampanin ng ating kapulisan kundi pati na rin ang pangangalaga ng ating kalikasan. Katulad na lamang ng mga tauhan ng Cabiao Municipal Police Station sa pangunguna ng kanilang hepe na si PMaj Marlon G Serna na kung saan nilinis nila ang ilog ng Brgy. San Antonio, Cabiao, Nueva Ecija.
Sila ay sumakay sa isang maliit na bangka upang matanggal ang mga plastik na nakalutang at nakakalat na maaarin makasira sa kagandahan at likas na yaman ng nasabing ilog.
Patuloy ang Cabiao MPS na nagmamalasakit sa kanilang kapaligiran upang ito’y maging kaaya aya at ligtas na matirhan ng ating mga kababayan sa kanilang nasasakupan. Sa pamamagitan ng patuloy na pagasagawa ng mga ganitong aktibidad ay naipapakita ang pagsasapuso ng mga kapulisan sa isa sa kanilang Core Values, ang Makakalikasan.
