Nakatanggap ng dalawang libong piso cash incentives ang bawat isa sa 618 passers ng Alternative Learning System (ALS) sa City of San Fernando, Pampanga nito lamang Martes, ika-13 ng Pebrero 2024.
Ang naturang ayuda ay mula sa programa nina Governor Dennis Pineda, Vice Governor Lilia Pineda at ng Sangguniang Panlalawigan.
Labis naman ang pasasalamat ng mga ALS passers sa ipinagkaloob sa kanila na tulong pinasyal para mas pagbutihin pa nila ang kanilang pag-aaral.
Patuloy ang pamahalaan ng City of San Fernando sa pagbibigay ng tulong pinansyal sa mga kabataan para makatulong sa kanilang pag-aaral alinsunod na rin sa hangarin ng administrasyon na mabigyan ng pagpapahalaga ang edukasyon ng mga kabataang Pilipino.
