Likas sa ating mga Pilipino ang pagiging mapagbigay at matulungin sa kapwa. Kaya naman ang Kapulisan ng Paniqui Municipal Police Station (MPS) sa probinsya ng Tarlac ay mayroong Impact Project na layuning makatulong sa kanilang nasasakupan lalo na sa mga senior citizens na may kapansanan at lubos na nangangailangan ng tulong.
Isinagawa ang Impact Project ng nasabing MPS sa Brgy. Burgos, Paniqui, Tarlac noong ika labing-apat ng Pebrero taong kasalukuyan na pinangunahan ni Officer-in-Charge PLTCOL Edison Chua Pascasio at kaniyang mga tauhan ay nag-abot ng tulong sa mga senior citizens ng isang sakong bigas, relief goods at isang tray ng Itlog.
Labis ang tuwa at lubos ang pasasalamat ni Lolo at Lola sa nai-abot na tulong ng mga Kapulisan lalo na sa panahon ng paghihirap na dulot ng pandemya.
