Lungsod ng Batac, Ilocos Norte, nakamit ang ika-tatlong pwesto sa Regional SubayBAYANI Awards

Bilang pagkilala sa mahalagang pagsisikap nito sa pagtataguyod ng transparency at accountability sa pagpapatupad ng mga proyekto ng Local Government Support Fund, ang Lungsod ng Batac, Ilocos Norte, sa pamumuno ni Mayor Albert D. Chua, ay ginawaran ng 3rd place sa Regional SubayBAYANI Awards (City Category) nito lamang Nobyembre 9, 2023 sa San Fernando City, La Union.
 
Ang parangal ay ibinibigay ng Department of the Interior and Local Government (DILG) sa mga LGU na nagpamalas ng natatanging serbisyo sa ilalim ng programang SubayBAYANI ng nasabing ahensya.
 
Nakatuon ang programa sa komprehensibo, kumpleto, at updated na pagsubaybay sa pagpapatupad ng proyekto ng mga LGU na maaaring ma-access sa pamamagitan ng sistema ng SubayBAYANI.
 
Sa ngalan ng pamahalaang lungsod ng Batac, ang parangal ay tinanggap ni Engr. Zherland Rebucal ng City Engineering Office ng Batac, at Mr. Rodel Hilario ng City Local Government Operations ng Batac.
 
Source: City Government of Batac