Isang loose firearm ang boluntaryong isinuko ng isang concerned citizen sa himpilan ng Bauko Municipal Police Station sa Bauko, Mountain Province nito lamang Hunyo 17, 2023.
Ang loose firearm ay isang caliber .38 revolver na walang markings at bala.
Ayon sa Bauko PNP, ang boluntaryong pagsuko ng nasabing loose firearm ay resulta ng kanilang pinaigting na kampanya kontra loose firearms, ganundin ng kanilang programa na “Dumanon Makitungtong” at “Oplan Binaga”.
Hinikayat naman ng Bauko PNP ang lahat ng firearm owners na walang lisensya na isuko ang kanilang mga baril upang maiwasan ang kasong pwedeng ipataw sa kanila.
