Boluntaryong isinuko ng isang indibidwal ang isang loose firearm sa Tuplac, Kiangan, Ifugao nito lamang ika-15 ng Hunyo 2023.
Batay sa ulat, isinuko ng isang residente na hindi na pinangalanan kay Hon. Kagawad Rosemarie B Dumangeng ang isang Caliber 38 SPL Revolver ARMSCOR na walang bala at walang serial number na kaagad namang isinuko sa himpilan ng Kiangan Municipal Police Station.
Ang pagsuko ng nasabing armas ay resulta ng isinasagawang serye ng Intensified Campaign against loose firearms, ammunitions and explosives sa pamamagitan ng Information operation at OPLAN Katok ng PNP.
Patuloy naman ang Ifugao PNP sa pagpapalawig ng nasabing kampanya upang mapanatili ang payapa at ligtas na komunidad.
