Nagsagawa ang City Transportation Regulation Unit ng Gender Sensitivity Training at Orientation para sa mga Public Motorized Tricycle Drivers at iba’t ibang assosasyon ng Alaminos City, Pangasinan nitong ika-21 ng Mayo 2023.
Binigyang diin sa training ang patungkol sa batas na Republic Act 11313 o Safe Spaces Act o mas kilala sa tawag na Bawal Bastos Law para magbigay ng kamalayan sa batas at maiwasan ang anumang anyo ng karahasan.
Patuloy ang pagsagawa ng orientation seminar na ganito para mapanatili ang isang ligtas na pamayanan para sa lahat.
Ang aktibidad ay pinangunahan ni Supervising Transportation Regulation Officer Ana Loraine B. Edu ng City Transportation Regulation Unit.
Source: LGU Alaminos
Panulat ni Manlalakbay
