Boluntaryong sumuko sa kamay ng pamahalaan ang isang miyembro ng Militia ng Bayan sa Brgy. Taga, Pinukpuk, Kalinga nito lamang ika-19 ng Mayo 2023.
Kinilala ang sumuko na si alyas “Glen”, 39, karpentero at residente ng Sitio Magsilong, Brgy. Ammacian, Pinukpuk, Kalinga.
Napag-alaman na miyembro ito ng KLG Baggas sa ilalim ni Lejo Cawilan Command (NPA in the Bariio) at nakalista sa PSRTG 2017.
Kasabay ng kanyang pagsuko ay ang pagturn-over ng isang Caliber .38 na walang serial number at markings na may dalawang bala.
Ang pagsuko ni alyas “Glenn”, ay dahil sa pagkumbinsi ng kanyang pamilya, lider ng simbahan, mga kababayan at walang patid na pakikipag-ugnayan ng Kalinga PNP upang mamuhay kasama ang minamahal at suporta ng gobyerno upang makabangon sa dagok dulot ng komunistang grupo na walang ibang dala kundi karahasan at terorismo dulot ng maling ideolohiya.
