Boluntaryong sumuko sa mga awtoridad ang isang miyembro ng Communist Terrorist Group (CTG) sa Sto. Tomas, Baguio City nito lamang ika-24 ng Marso 2023.
Kinilala ang sumuko na si alyas “Barto”, 30, laborer, at residente ng Kalinga at tinaguriang kasapi ng Team Uno sa ilalim ng Squad Uno ng WKLG AMPIS.
Kasabay ng kanyang pagsuko ay ang pagturn-over ng isang home made shotgun (paltik) na walang serial number.
Ang pagsuko ay resulta ng mga isinasagawang serye ng negosasyon at pangungumbinsi ng pamahalaan katuwang ang PNP sa mga aktibong miyembro at tagasuporta ng CTG na tuluyang lisanin ang organisasyon at piliing mamuhay ng tahimik at makapiling ang kanilang pamilya.
