Ipinagdiriwang ng Lungsod ng San Fernando ang ika-25 Cityhood Foundation Anniversary, kasabay ng Flag Raising Ceremony at sinundan ng Wreath Laying Ceremony na dinaluhan ng mga opisyal, department heads, at mga empleyado ng naturang lungsod nitong ika-20 ng Marso 2023.
Malugod na tinanggap ni City Vice Mayor Alfredo Pablo “Alf” R. Ortega ang mga dumalo sa pamamagitan ng pambungad na pananalita at ipinaabot naman ni City Mayor Hermenegildo A. Gualberto ang kanyang mensahe sa anibersaryo.
Pinangunahan naman ni Police Lieutenant Colonel Fernando Acain Jr, Hepe ng San Fernando City Police Station, ang wreath laying ceremony at nagsagawa ng 21 gun salute.
Samantala, patuloy naman ang mga namumuno sa lungsod ng San Fernando na mas ilalapit pa nila ang serbisyo na nararapat para sa kanilang nasasakupan.
Source: City Government of San Fernando, La Union
