Tuloy-tuloy ang tulong pinansyal at pamimigay ng libreng bitamina ng Lokal na Pamahalaan ng Angeles City para sa mga senior citizens sa Barangay Claro M. Recto, nito lamang Lunes, ika-20 ng Marso 2023.
Ito ay sa ilalim ng programa ni Honorable Carmelo Lazatin Jr., Mayor ng Angeles City katuwang ang Members of Office for the Senior Citizens Affairs.
Umabot sa 865 na senior citizens ang nabigyan ng Php1,000 cash assistance at libreng vitamin C ang naipamigay sa nasabing lungsod.
Layunin nito ang mabigyan ng atensyon ang mga lolo at lola lalo at maipaabot ang tulong pinansyal at pangkalusugan.
“Tuloy-tuloy po ang mga programang nasimulan natin para sa ating mga senior citizens,” pahayag ni Mayor Lazatin.
