Sugatan ang dalawang senior citizen matapos ang banggaan ng tricycle at sasakyan sa kahabaan ng Isabela-Tuguegarao National Road, Romualdez, Rizal, Kalinga nito lamang Nobyembre 3, 2022.
Kinilala ang dalawang sugatan na sina Restituta Domingo, 64, at Maynarda Agustin, 65, na pawang mga residente ng Romualdez, Rizal, Kalinga.
Ayon sa ulat, habang nakasakay ang mga biktima sa tricycle at liliko na sana sa kaliwang bahagi ay bigla nalang silang binangga ng isang Hyundai Elantra na patungo sa Tuguegarao City.
Ang mga biktima ay agad dinala sa pinakamalapit na pagamutan.
Samantala, patuloy ang imbestigasyon ng mga awtoridad sa naturang banggaan.
