Umarangkada ang bilis walis truck ng Angeles City Office sa San Nicolas Market ng Angeles City nito lamang Sabado, Oktubre 1, 2022.
Ang naturang paglilinis ay sa ilalim ng pamumuno ni Angeles City Mayor Carmelo “Pogi” Lazatin Jr., kasama ang Environmental Management System sa pangunguna ni Engineer Donato Dizon.
Ang Bilis Walis Truck ang mismong naglilinis sa nasabing palengke na nagpapagaan sa trabaho ng mga street sweeper ng lungsod.
Layunin ng pamahalaan ng Angeles City ang mapadali ang paglilinis at mapanatili ang kalinisan sa nasabing palengke na umaakit sa mas maraming bumibili na nagpapalago sa kanilang mga pangunahing produkto.
