Nagsagawa ng fumigation ang Angeles City Health Office – Sanitation Division sa Francisco G. Nepomuceno Memorial High School nito lamang Lunes, ika-3 ng Oktubre 2022.
Ang nasabing proyekto ay sa pamumuno ni Mayor Carmelo Lazatin Jr., para sa mga mag-aaral ng naturang lungsod.
Naglalayon itong mapuksa ang mga insekto at lamok na maaaring magdala ng sakit lalo na ngayong panahon ng tag-ulan.
Ang pamahalaang lungsod ng Angeles ay patuloy sa pagsasagawa ng ganitong aktibidad upang masiguro ang kaligtasan ng mga mag-aaral at mamamayan.
