Nagsagawa ng clearing operations ang Tarlac City Office dahil sa hagupit ni Super Typhoon Karding sa mga iba’t ibang lugar sa Tarlac City, Tarlac nito lamang Lunes, Setyembre 26, 2022.
Ang naturang operasyon ay pinangunahan ni Mayor Cristy Angeles, Mayor ng Tarlac City Office katuwang ang Municipal Disaster Risk Reduction and Management Office (MDRRMO) at Tarlac City Police Station.
Tinanggal ang mga punong-kahoy na natumba sa mga gilid ng kalsada at nilinis ang mga nakakalat na dahon upang kaagad makadaan sa kalsada ang mga sasakyan sa siyudad ng Tarlac.
Patuloy pa rin ang search and rescue operation ng gobyerno sa mga apektadong mamamayan at ang pamimigay ng agarang tulong para sa kanilang mga nasasakupan.
