Boluntaryong nagbalik-loob sa gobyerno ang dating miyembro ng New People’s Army (NPA) sa Mountain Province Police Provincial Office, Camp Montes, Poblacion, Bontoc, Mountain Province nito lamang Setyembre 22, 2022.
Kinilala ang dating rebeldeng sumuko na isang 49 anyos, tubong Barlig, Mt. Province at nagsilbi bilang aktibong Intel ng dating East Chico Line Kilusang Larangan Guerilla (ECL KLG) Marcoat.
Kasabay ng kanyang pagsuko ang pag turn-over ng isang M1 Garand rifle na may apat na Clips apat na live ammos at siyam na misfired ammos.
Nakatanggap ng financial assistance ang naturang dating NPA member mula sa PNP Cordillera at inihahanda ang mga papeles para sa programa ng gobyerno na Enhanced Comprehensive Livelihood Integrated Program o (ECLIP).
