Nakiisa ang mga tauhan ng Department of Agriculture-Cordillera (DA-CAR) sa isinagawang Simultaneous Clean-up Drive kaugnay sa pagdiriwang ng Balili River Day na may temang, “Save Balili River, Count me in!” nito lamang ika-16 ng Setyembre 2022.
Ang aktibidad ay dinaluhan ng 30 tauhan ng Department of Agriculture-Cordillera katuwang ang LGU-Baguio City kung saan tulong-tulong na nilinis ng mga nasabing grupo ang ilog na malapit sa gusali ng DA-CAR, pinulot ang mga basura at inihiwalay ang mga nabubulok at di nabubulok.
Ang pinagsama-samang mga basura, partikular ang mga hindi nabubulok na basura, ay hinahakot at dinala sa tambakan ng basura upang madaling mahakot ng City Environment and Parks Management Office.
Ang pagkakaisa ng iba’t ibang ahensya ng gobyerno upang mapangalagaan ang ating likas na yaman ay nagpapatunay na kaya nating labanan ang climate change kung tulong-tulong tayo tungo sa pangangalaga ng ating inang kalikasan.
Source: Department of Agriculture-Cordillera
