Nasawi ang limang indibidwal kabilang ang isang anim na buwang sanggol at dalawa naman ang malubhang nasugatan sa aksidente na naganap sa kahabaan ng Barangay Balug, Tumauini, Isabela noong August 27, 2022.
Batay sa inisyal na imbestigasyon ng mga otoridad, bago ang insidente ay binabaybay ng ISUZU truck ang nasabing kalsada patungong hilaga habang ang Honda XRM at tricycle ay binabaybay ang timog na bahagi.
Pagdating sa lugar ng insidente, napasok ng nasabing trak ang kabilang linya at aksidenteng nabangga ang paparating na single na motor at tricycle.
Dahil dito, dead on the spot ang driver ng nasabing dalawang sasakyan kasama ang tatlong pasahero habang ang isang pasahero ang nagtamo ng serious physical injury at agad na dinala ng Rescue 811 sa Tumauini Community Hospital para magamot.
Dagdag nito, ang driver ng trak na nagtamo ng minor injury ay dinala din sa kaparehong ospital at nagpositibo sa alcohol breath test ayon sa attending physician.
