Nasawi ang isang Barangay Captain sa naganap na aksidente sa mismong araw ng kanyang kaawaran sa Sitio Despensary, Brgy. Siblong, Bucay, Abra nito lamang Agosto 21, 2022.
Ang nasawi ay nakilalang si Daroll Azdi Bernardez Gonzales, 36 anyos, may asawa, Barangay Captain at residente ng South Poblacion, Bucay, Abra.
Ayon sa ulat, galing ang biktima sa Bucay, Abra sakay ng kanyang pulang Ducati Hyper Motard 950CC motorcycle, walang plate number at papuntang Bangued, Abra nang dumulas ang sinasakyang motorsiklo sa bahagi ng pakurbadang kalsada at nabangga ang road barrier.
Nagtamo ng malubhang pinsala sa iba’t ibang parte ng kanyang katawan dahilan ng kanyang pagkamatay.
Nagpaalala ang mga awtoridad na maging maingat sa pagmamaneho upang maiwasan ang mga aksidente sa daan.
