Naging matagumpay ang isinagawang District Survival Camp 2022 ng Youth for Peace Cagayan Chapter at 17th Infantry Battalion nitong Agosto 10-11, 2022 na ginanap sa Church of God, Centro 02, Lasam, Cagayan.
Layunin ng aktibidad na hubugin ang ispiritwal na buhay ng mga batang Lasameño, ilayo sila sa ilegal na droga at terorismo, at tignan ang kanilang kakayahan sa pagharap sa iba’t ibang hamon ng buhay.
Maliban sa mga team building activities na labis na ikinatuwa ng mga kalahok, nagbahagi din ng kanyang kaalaman si 1st Lieutenant Lucky Mark Bores mula 17th IB tungkol sa proseso ng rekrutment ng teroristang grupo lalo na sa hanay ng kabataan.
Bahagi ng aktibidad ang YOUTHnited Program kung saan iminumulat ang mga kabataan sa mga maling ideolohiya na ginagamit ng teroristang grupo upang sila ay maiwas sa mapanlinlang na panghihikayat ng mga ito na sumapi sa kanilang walang patutunguhan at walang kabuluhang laban.
Source: Youth for Peace Cagayan
