Nakarating na ang Family Food Packs (FFPs) mula sa Department of Social Welfare and Development Field Office 2 (DSWD FO2) sa bayan ng Basco, Batanes nitong Huwebes, Agosto 4, 2022.
Lulan ang unang 400 FFPs ng Airbus C295 ng Philippine Air Force mula sa 2000 na inisyal na food packs na nakatakdang ipadala sa satellite warehouse ng Batanes.
Kapit-bisig ang DSWD FO2, Lokal na Pamahalaan ng Batanes, Provincial Disaster Risk Reduction and Management Office, Philippine National Police, Bureau of Fire Protection, Philippine Coast Guard, Citizen Armed Force Geographical Unit, at Philippine Marine Corps sa pagdadala ng mga food packs mula airport hanggang sa warehouse.
Samantala, patuloy naman ang ginagawang paghahanda ng DSWD FO2 ng mga food packs upang mai-imbak sa mga satellite offices sa iba’t ibang probinsya upang agarang maibigay sa mga nangangailangan sa oras ng sakuna.
Source: DSWD Region II
